أكتوبر 31, 2009
هذه مشكلتي
هذه المساحة لمن أراد البوح بمشكلة يمر بها ويريد منا كقراء وكأعضاء في هذه المدونة أن نتناقش معه فيها, وأن نحاول أن نجد لها حل…أو على الأقل أن نخفف من حدة تأثيرها عليه….
ولنتذكر دائماً بأن السنابل المليئة بالقمح تنحني عندما تمر بها العواصف… فإذا مرت العاصفة رجعت السنبلة شامخة من جديد….
ــــــــــــــــــــــــــــــــــــــــــــــ
تعبت منه يقول:
أكتوبر 31, 2009 عند 8:38 ص | رد تحرير
السلام عليكم ورحمة الله وبركاته
أخي قصاص أنا من المتابعين لك وبقوة منذ فتره
( قبل زواجي )
يعني من سنتين
على ايام ( هناء وسعد ) افادتني كثير بـ حياتي الله يجزاك كل الخير،،
اعذرني بأستغل هالمساحه لتساعدوني بعد الله
ماقدرت اراسلك الا بهالطريقه
البارح اكتشفت أمر وطول الليل أفكر من استشيره ليرشدني للتصرف الصحيح
لما صليت الفجر وجهزت فطور زوجي وراح الدوام فتحت النت ودخلت مدونتك
وقررت اراسلك
أتمنى أن يتسع صدرك لسماع مشكلتي ومساعدتي في ايجاد حل فوري،،،،
تزوجت من سنتين
اموري ماشيه تمام
أحب زوجي وهو يحبني
زوجي / هاديء ،
يقول انه رومانسي ،
غامض< يمكن لان كلامه قليل
وايضا اذا تكلم معي مايحدد الاشخاص /
مثلا : يقول (اخوي ) سافر، مايقول اخوي ( مشعل ) سافر
مثلا ( صديقي ) بيتقهوى عندي اليوم ، مايقول ( صديقي سعد ) بيتقهوى عندي اليوم
بيتوتي 24 ساعه بالبيت عندي مايطلع < الحمدلله نعمه من ربي
تعامله معي جدا جميل طول السنتين مارفع صوته علي ولانهرني ولاعصب علي
حتى وهو زعلان يا يسكت او يتكلم بهدوء
أنا هاديه جدا لكن مقابل هدوء زوجي صرت مطالبه بأن أخرج من هدوئي قليلا
رومانسيه < أريدالحب وليس عملية الجـمـ….
مو غامضه < تعبت في هالنقطه والحمدلله فيه تطور
متعلمه ، جميله ، مطيعه له ، متفهمه ،
نجي للمهم
بعد زواجي بـ 3 شهور اكتشفت بأن زوجي له علاقة بـ بنت ، وحلف وتاب وكلام كثير
وسامحته
بعد شهر اكتشفت معه جوال بالسياره وفيه كلام ورسايل من السره وتحت
وزعلت وعصبت وصارخت وبكيت وهو يهديني لاني وقتها حامل ولايبي يتعبني
المهم تأسف وحلف وتاب وكلام كثير
وسامحته
بعدها بشهر لقيته لازال مستمر مع البنت وكلمتها بجواله وهو عندي راضي
وتهاوشت معها وهددتها
المشكله البنت ( وسخه ) لسانها ( وسخ ) ألفاظها ( وسخه )
يعني ماادري ليه متعلق فيها
المهم كل مره اكشفه يتوب ويحلف وانا اسامح
مو معناته اسامح وانسى لاااااااااا
بالعكس وربي اتعب بس اضغط على نفسي ماابي الامور توصل لـ الطلاق
المهم سنتين وانا وهو وهـ البنت بدوامه وانا ماعاد اتحمل
لدرجه قلت خذها بالحلال قدامي وقدام الناس ولا تتعبني كذا وتستغفلني
هو رفض و جلس يسبها
المهم آخر اتصال بينهم كان بعيد الفطر ( فجر العيد ) تبارك له
كلمتها نهار العيد وتهاوشت معها
قفلت منها وارسلت له ماعاد ابيك ومليت منك وخل البنت تنفعك ( كنت عند اهلي )
ثلاث ايام العيد وهو يدورني وانا بجد كررررررررررررررهته
آخر شيء قال اذا تبين طلاق طلقتك
هنا تراجعت لاني صرت ام
ماابي يتشتت طفلنا وش ذنبه
المهم عدت هالفتره على خير
ورجع لي
و وعدني يتوب << يسكتني والا هو يشوف نفسه مااخطأ وانا اتبلاه
و وعدني يغير جواله على طول ووووووو
لنا شهر الان من بعد العيد ولا غير جواله ولاسوى شيء
الجديد
اللي ابي نصيحتكم فيه
لقيته متعرف على بنت في المنتدى
ومعطيها رقمه << رقم جديد انا مااعرفه
وقايل لها لاتكلميني الا السبت << عشان الدوامات يكون برى البيت
وبنهاية الرساله كاتب لها ( احبك )
انتهى ،،
طلبتك ياقصاص
بعد الله
ارشدني
وش اسوي
وش اقول له
ماراح اتصرف معه اي تصرف الين اشوف ردك او ردود قراءك
ملاحظه :
اهلي واهله مايدرون عن شيء من بداية مشاكلنا الين نهايتها
وهو كان يقول بعد كل مشكله لااحد يدري ماابي اطيح من عين اهلي
وغير كذا انا فعلا ماابي احد يدري حتى ماتتغير نظرتهم له لانه زوجي وابو طفلي
مره قلت له علمت امي
زعل ويومين وهو بس يعاتبني
آخر شيء رحمته وقلت امزح ماقلت لها وفررررح <<< انا عبيطه بهالموقف ادري
انتظركم
أختكم
أشواق
مدونة قصاص الأثر 